தேவையான பொருள்கள்:
- தினை - 1 கப்
- அரிசிமாவு - 1 கப்
- பொட்டுக்கடலை மாவு - 2டீஸ்பூன்
- பெருங்காயத்தூள் - 2 டீஸ்பூன்
- உப்பு - தேவையான அளவு
- மிளகாய் தூள் - 3 டீஸ்பூன்
- சீரகம் - 2 டீஸ்பூன்
- பட்டர் - 1 டீஸ்பூன்
- எண்ணெய் - தேவையான அளவு
செய்முறை:
- தினையை கழுவி 1 மணி நேரம் ஊற வைத்து , முறுக்கு மாவு அரைப்பது போல் தண்ணீரை வடித்து 20 நிமிடங்கள் உலர்த்தி மிக்சியில் எடுத்துக்கொள்ளவும்.
- அரைத்த தினை மாவில் சரிக்கு சரி அரிசி மாவு சேர்த்தது கொண்டு,பொட்டுக்கடலை மாவு 2 டீஸ்பூன், உப்பு ,சீரகம், பெருகாயத்தூள், பட்டர் அனைத்தையும் சேர்த்து கலந்து கொள்ளும்.
- முறுக்கு மாவு பிசையும் பதத்திற்கு சிறிது சிறிதாக தண்ணீர் சேர்த்து பிசைந்து கொள்ளவும்.
- அடுப்பில் கடாயில் முறுக்கு சுடுவதற்கு ஏற்ப எண்ணெய் சேர்த்து காய விடவும்.
- எண்ணெய் நன்கு காய்ந்ததும் முறுக்கு உழக்கில் நம் விருப்பத்திற்கு ஏற்ப அச்சு போட்டு பிசைந்து வைத்துள்ள மாவை அதில் வைத்து முறுக்கை எண்ணெயில் கவனமாக பிழிந்து கொள்ளவும்.
- ஒரு பக்கம் நன்கு சிவந்து வெந்ததும் மறுப்பக்கம் திருப்பி போட்டு வேக விடவும்.
- இரண்டு பக்கம் நன்கு சிவந்து வெந்ததும் முறுக்கை எடுத்து பரிமாறவும்.
- சுவையான சத்து நிறைந்த, உடலுக்கு சத்து தரக்கூடிய தினை முறுக்கு தயார்.
