முடக்கத்தான் கீரை தோசை
தேவையான பொருள்கள் :
- முடக்கத்தான் கீரை - 2 கப்
- புழுங்கல் அரிசி - 1 கப்
- உளுந்து - 1 டீஸ்பூன்
- வெந்தயம் - 1 டீஸ்பூன்
- துவரம் பருப்பு - 2 டீஸ்பூன்
- எண்ணெய் - தேவையான அளவு
- உப்பு - தேவையான அளவு
செய்முறை :
- முடக்கத்தான் கீரையை சுத்தம் செய்து நறுக்கி வைத்து கொள்ளவும்.
- அரிசி , உளுந்து , துவரம் பருப்பு , வெந்தயம் அனைத்தையும் கழுவி 1 மணி நேரம் ஊறவைக்கவும் .
- 1 மணி நேரம் கழித்து அணைத்தையும் சேர்த்து தோசைமாவு பதத்திற்கு அரைத்து கொள்ளவும்.
- மாவு பாதி அளவுக்கு அரை பட்ட பிறகு கழுவி நறுக்கி வைத்துள்ள கீரையை சேர்த்து அரைத்து கொள்ளவும்.
- அரைத்த மாவில் தேவையான அளவு உப்பு சேர்த்து கரைத்து கொள்ளவும்.
- பிறகு கரைத்த மாவை 7 முதல் 8 மணி நேரம் வரை புளிக்க வைக்கவும்.
- புளித்த மாவை எடுத்து தோசை கல்லில் 1 கரண்டி எண்ணெய் விட்டு மாவை ஊற்றி தோசைகளாக வார்த்து எடுக்கவும்.
- சூடான , சுவையான ,உடலுக்கு ஆரோக்கியம் தரக்கூடிய முடக்கத்தான் தோசை தயார்.
அவல் தோசை
தேவையான பொருள்கள் :
- இட்லி அரிசி - 2 கப்
- அவல் - 1 கப்
- புளித்த தயிர் - 1 கப்
- உப்பு - தேவையான அளவு
- எண்ணெய் - தேவையா அளவு
செய்முறை :
- அரிசியை நன்கு கழுவி தண்ணீரில் 4 மணி நேரம் ஊற வைக்கவும்.
- அவலில் கல் , மண் இருந்தால் தண்ணீரில் கழுவி புளித்த தயிரில் 1 மணி நேரம் ஊற வைக்கவும்.
- பிறகு அரிசி , தயிர் இரண்டையும் கிரைண்டரில் தோசை மாவு பதத்திற்க்கு அரைத்து கொள்ளவும்.
- அரைத்த மாவை உப்பு சேர்த்து கரைத்து 5 முதல் 6 மணி நேரம் புளிக்க வைக்கவும்.
- புளித்த மாவை எடுத்து தோசை கல்லில் எண்ணெய் விட்டு தோசைகளாக வார்த்து எடுத்து கொள்ளவும்.
- சூடான ,சுவையான , சத்து நிறைந்த அவள் தோசை தயார்.
சிறு தானிய தோசை
தேவையான பொருட்கள் :
- வரகு , கம்பு , சோளம் - தலா 1/2 கப்
- உளுந்து - 3/4 கப்
- துவரம் பருப்பு - 1 கைப்பிடி
- வெந்தயம் - 1/2 டீஸ்பூன்
- உப்பு - தேவையான அளவு
செய்முறை :
- தானியங்கள் , பருப்புகள் , வெந்தயம் அனைத்தையும் நன்கு கழுவி 3 மணி நேரம் ஊறவைக்கவும்.
- பிறகு கிரைண்டரில் தோசை மாவு பதத்திற்கு அரைத்து உப்பு சேர்த்து கரைத்து கொள்ளவும்.
- கரைத்த மாவை 6 மணி நேரம் புளிக்க வைத்து கொள்ளவும்.
- பிறகு தோசை கல்லில் தோசைகளாக வார்த்து எடுத்து கொள்ளவும்.
- சூடான , சுவையான , சத்து நிறைந்த சிறு தானிய தோசை தயார்.
- இதனுடன் தேங்காய் சட்னி , கார சட்னி , மிளகாய் பொடியுடன் பரிமாறவும்.