மில்லட் பணியாரம்
தேவையான பொருட்கள் :
- அரிசி , கம்பு , சோளம் , தினை , வரகு - தலா 250 கிராம்
- உளுந்து - 1 கைப்பிடி
- வெந்தயம் - 1 ஸ்பூன்
- கருப்பட்டி - 1 உருண்டை
- வெல்லம் - 1 உருண்டை
- ஏலக்காய் - 3
- வெங்காயம் பெரியது - 1
- பச்சை மிளகாய் - 2
- இஞ்சி - 1 துண்டு
- பூண்டு - 3 பல்
- உப்பு - தேவையான அளவு
செய்முறை :
- அனைத்து தானியங்களையும் நன்றாக கழுவி 3 மணி நேரம் ஊற வைத்து கொள்ளவும்.
- பிறகு ஊறிய மாவை தண்ணீர் சேர்க்காமல் அரைத்து கொள்ளவும். ரைஸ் மில்லில் கொடுத்தும் அரைத்து கொள்ளலாம்.
- அரைத்த மாவில் தேவையான அளவு எடுத்து அதனுடன் கருப்பட்டி, வெல்லம் இரண்டையும் அடுப்பில் காய்ச்சி ஒரு கொத்தி வந்ததும் இறக்கி வடித்து மாவுடன் கொட்டி, ஏலக்காய் பொடி, 1 பிஞ்சி உப்பு தூவி பணியார மாவு போன்று கரைத்து கொள்ளவும்.
- இதனை பணியார கல்லில் எண்ணெய் ஊற்றி மாவை ஊற்றி இருபுறமும் சிவக்க வேகவிட்டு எடுக்கவும்.
- சுவையான மில்லட் இனிப்பு பணியாரம் தயார்.
- கார பணியாரம் செய்வதற்க்கு கடாயில் எண்ணெய் ஊற்றி கடுகு , உளுந்து ,கருவேப்பிலை , நறுக்கிய வெங்காயம் ,உப்பு, பச்சை மிளகாய் சேர்த்து வதக்கி கொள்ளவும்.
- வதக்கிய வெங்காயத்தை தேவையான அளவு மாவுடன் சேர்த்து தண்ணீர் சேர்த்து கரைத்து கொள்ளவும்.
- பின்பு பணியார கல்லில் எண்ணெய் ஊற்றி மாவை ஊற்றி இருபுறமும் சிவக்க வேகவிட்டு எடுக்கவும்.
- சுவை மிகுந்த , சத்தான மில்லட் பணியாரம் தயார்.